اسلام زندہ ہوتا ہے ہر کربلا کے بعد

دورِ حیات آئے گا قاتل، قضا کے بعد
ہے ابتدا ہماری تری انتہا کے بعد
…
جینا وہ کیا کہ دل میں نہ ہو تیری آرزو
باقی ہے موت ہی دلِ بے مدّعا کے بعد

تجھ سے مقابلے کی کسے تاب ہے ولے
میرا لہو بھی خوب ہے تیری حنا کے بعد

لذّت ہنوز مائدہٴ عشق میں نہیں
آتا ہے لطفِ جرمِ تمنّا، سزا کے بعد

قتلِ حُسین اصل میں مرگِ یزید ہے
اسلام زندہ ہوتا ہے ہر کربلا کے بعد

Happy Independence Pakistan Celebrations

 Happy Independence Pakistan  Celebration

اب کس کا جشن مناتے ہو

 

اب کس کا جشن مناتے ہو
اب کس کا جشن مناتے ہو
او دیس کا جو تقسیم ہوا
اس خواب کا جو ریزہ ریزہ
ان آنکھوں کی تقدیر ہوا…
ان معصوموں کا جن کے لہو
سے تم نے فروزاں راتیں کیں
یا ان مظلوموں کا جن سے
خنجر کی زباں میں باتیں کیں
اس مریم کا جس کی عفت
لٹتی ہے بہرے بازاروں میں
اس عیسا کا جو قاتل ہے
اور شامل ہے غمخواروں میں
ان نوحہ گروں کا جن نے ہمیں
خود قتل کیا خود روتے رہے
یا ان جھوٹے اقراروں کا
جو آج تلک ایفا نہ ہوۓ
اس شاہی کا جو دست بدست
آئ ہے تمہارے حصے میں
کیوں ننگ وطن کی بات کرو
کیا رکہا ہے اس قصے میں
آنکہوں میں چھپاۓ اشکوں کو
ہونٹوں پہ وفا کے بول لۓ
اس جشن میں بہی شامل ہوں
نوحوں سے بہرا کشکول لۓ

مرے شہر جل رہے ہیں مرے لوگ مر رہے ہیں

 

میں یہ کس کے نام لکھّوں جو الم گزر رہے ہیں
مرے شہر جل رہے ہیں مرے لوگ مر رہے ہیں

کوئی غنچہ ہو کہ گُل ہو کوئی شاخ ہو شجر ہو
وہ ہوائے گُلستاں ہے کہ سبھی بکھر رہے ہیں…

کبھی رحمتیں تھیں نازل اسی خطّہء زمیں پر
وہی خطہء زمیں ہے کہ عذاب اتر رہے ہیں

وہی طائروں کے جھرمٹ جو ہَوا میں جھولتے تھے
وہ فضا کو دیکھتے ہیں تو اب آہ بھر رہے ہیں

بڑی آرزو تھی ہم کو نئے خواب دیکھنے کی
سو اب اپنی زندگی میں نئے خواب بھر رہے ہیں

کوئی اور تو نہیں ہے پس ِ خنجر آزمائی
ہمیں قتل ہو رہے ہیں، ہمیں قتل کر رہے ہیں