کیا خبر کیا سزا مجھ کو ملتی ، میرےآقا نےعزت بچا لی از: پروفیسر سید اقبال عظیم

کیا خبر کیا سزا مجھ کو ملتی ، میرےآقا نےعزت بچا لی

از: پروفیسر سید اقبال عظیم

بسم اللہ الرحمٰن الرحیم

صَلِّ عَلیٰ مُحَمَّدٍ

کیا خبر کیا سزا مجھ کو ملتی ، میرے آقا (صلی اللہ تعالیٰ علیہ واٰلہ وسلم) نےعزت بچالی

فردِ عصیاں مری مجھ سے لےکر، کالی کملی میں اپنی چھپالی

وہ عطا پر عطا کرنےوالے اور ہم بھی نہیں ٹلنےوالے

جیسی ڈیوڑھی ہے ویسے بھکاری، جیسا داتا ہے ویسےسوالی

میں گدا ہوں مگر کس کےدر کا؟ وہ جو سلطان کون و مکاں ہیں

یہ غلامی بڑی مستند ہی، میرے سر پر ہے تاج بلالی

میری عمر رواں بس ٹھہر جا، اب سفر کی ضرورت نہیں ہے

ان (صلی اللہ تعالیٰ علیہ واٰلہ وسلم) کےقدموں پہ میری جبیں ہے اور ہاتھوں میں روضےکی جالی

اِس کو کہتےہیں بندہِ نوازی، نام اِس کا ہے رحمت مزاجی

دوستوں پر بھی چشمِ کرم ہے، دشمنوں سےبھی شیریں مقالی

میں مدینےسےکیا آگیا ہوں، زندگی جیسےبجھ سی گئی ہے

گھر کےاندر فضا سونی سونی، گھر کےباہر سماں خالی خالی

میں فقط نام لیوا ہوں ان (صلی اللہ تعالیٰ علیہ واٰلہ وسلم) کا، ان (صلی اللہ تعالیٰ علیہ واٰلہ وسلم) کی توصیف میں کیا کروں گا

میں نہ اقبال خسرو، نہ سعدی ، میں نہ قدسی نہ جامی، نہ حالی

Beautiful Poetry of Iqbal Azeem

مجھے اپنے ضبط پہ ناز تھا ۔۔۔۔۔ سر ِ بزم رات یہ کیا ہُوا
مِری آنکھ کیسے چھلک گئی ۔۔۔۔۔ مجھے رنج ھے یہ بُرا ہُوا

مِری زندگی کے چراغ کا ۔۔۔۔۔ یہ مزاج کوئی نیا نہیں
ابھی روشنی ابھی تیرگی ۔۔۔۔۔ نہ جلا ہُوا نہ بُجھا ہُوا
…
مجھے جو بھی دُشمن ِ جاں مِلا ۔۔۔۔۔ وہی پُختہ کار ِ جفا مِلا
نہ کسی کی ضرب ِ غلط پڑی ۔۔۔۔۔ نہ کسی کا تیر خطا ہُوا

مجھے آپ کیوں نہ سمجھ سکے ۔۔۔۔۔ یہ خود اپنے دل ہی سے پُوچھئے
مِری داستان ِ حیات کا ۔۔۔۔۔ تو ورق ورق ھے کُھلا ہُوا

جو نظر بچا کے گزر گئے ۔۔۔۔۔ مِرے سامنے سے ابھی ابھی
یہ مِرے ہی شہر کے لوگ تھے ۔۔۔۔۔ مِرے گھر سے گھر ھے مِلا ہُوا

ہمیں اس کا کوئی بھی حق نہیں ۔۔۔۔۔ کہ شریکِ بزم ِ خلوص ہُوں
نہ ہمارے پاس نقاب ھے ۔۔۔۔۔ نہ کچھ آستیں میں چُھپا ہُوا

مِرے ایک گوشۂ فکر میں ۔۔۔۔۔ میری زندگی سے عزیز تر
مِرا ایک ایسا بھی دوست ھے ۔۔۔۔۔ جو کبھی مِلا ۔۔۔۔ نہ جُدا ہُوا

مجھے ایک گلی میں پڑا ہُوا ۔۔۔۔۔ کسی بدنصیب کا خط مِلا
کہیں خون ِ دل سے لِکھا ہُوا ۔۔۔۔۔ کہیں آنسوؤں سے مِٹا ہُوا

مجھے ہم سفر بھی مِلا کوئی ۔۔۔۔ تو شکستہ حال مِری طرح
کئی منزلوں کا تھکا ہُوا ۔۔۔۔۔ کہیں راستے میں لُٹا ہُوا

ہمیں اپنے گھر سے چلے ہوئے ۔۔۔۔۔ سر ِ راہ عُمر گزر گئی
کوئی جُستجو کا صلہ مِلا۔۔۔۔۔ نہ سفر کا حق ہی ادا ہُوا
اقبال عظیم

Beautiful Poetry of Iqbal Azeem